ქოქოსის არომატული სამარხვო კრემი
ამ რეცეპტით დამზადებული
კრემი ძალიან
ნაზი, ფაფუკი
და არომატული
გამოდის. მისი
გამოყენება ნებისმიერი
ნამცხვრისთვის შეუძლება,
ამიტომ აუცილებლად
შემოგვიერთდით, ის
თქვენს საახალწლო
სუფრას აუცილებლად
დაამშვენებს.
ინგრედიენტები:
ქოქოსის
ბურბუშელა
(ფანტელი)
- 100 გრ;
წყალი –
400 გრ;
შაქარი –
100 გრ;
კარტოფილის
სახამებელი
– 40 გრ;
(შეგიძლიათ
გამოიყენოთ
პურის ფქვილიც).
მარგარინი
– 100 გრ;
შაქრის პუდრი – თუ საჭირო იქნა კრემზე შესამატებლად.
შენიშვნა:
ქოქოსის ფანტელი უნდა იყოს ახალი და არომატული.
მომზადების წესი:
ქოქოსი ჩაყარეთ რაიმე ჯამში ან ქვაბში (პატარა ზომის), დაასხით წყალი და დატოვეთ მთელი ღამით, თუ დრო გაქვთ, თუ არა პირდაპირ შედგით დაბალ ცეცხლზე და ადუღეთ 20-30 წუთი; ან პერიოდულად გადმოდგით, გაგრილდება – შემდეგ შეაბრუნებთ;
როცა წყალი უკვე რძისფერი გახდება და არომატსაც აიღებს, შეგიძლიათ გადაიტანოთ საცერზე ან მარლაში და კარგად გაწუროთ;
გაწურულ და გაგრილებულ ქოქოსის რძეს შეურიეთ შაქარი, სახამებელი, მწიკვი მარილი და კარგად გახსენით, შემდეგ შედგით ცეცხლზე და მოადუღეთ ისე, როგორც კრემს ხარშავთ, ჩვეულებრივ;
მოხარშულ კრემი გადაიტანეთ რაიმე გაშლილ ჭურჭელში, მჭიდროდ დააფარეთ კულინარიული ცელოფანი (ისე, რომ ედებოდეს კრემს) და გააცივეთ, უმჯობესია საყინულეში გაცივდეს;
ათქვიფეთ მარგარინი კარგად, 20-30 გრამ შაქრის პუდრთან ერთად და შეურიეთ ოთახის ტეპმერატურამდე შემთბარი ქოქოსის კრემი;
თუ სიტკბო ისევ აკლია – კიდევ დაამატეთ პუდრი;
შეინახეთ მაცივარში ბისკვიტის მორთვამდე;
მსგავსი სიახლეები
კომენტარი