ქართველთა კავშირები რუსეთის კავკასიასთან

თბილისი , საქართველო – გასულ სამშაბათს , საღამოს 6 საათზე , საქართველოს მთავრობის მიერ დაფინანსებული სატელიტური „ ახალი ამებების “ არხი ეთერში , აშკარა ეიფორიის ატმოსფეროში გავიდა . სხვა ქართული არხებისგან განსხვავებით , „ პირველი კავკასიურის “ გადაცემები რუსეთში მაუწყებლობს – არხის სამიზნე აუდიტორია იმ მაყურებელს მოიცავს , რომელიც საქართველოს საზღვრებიდან ჩრდილოეთით , რუსეთის მთიან რეგიონში ჩრდილოეთ კავკასიაში ცხოვრობს . დებიუტის მოახლოებასთან ერთად , არხის გენერალურმა დირექტორმა არაერთხელ გაიმეორა , რომ Kanal PIK- ს , როგორც ამ არხს უწოდებენ , ანტირუსული პროპაგანდისთვის არ გამოიყენებენ . შემდეგ მაუწყებლობაც დაიწყო და პრეზიდენტმა მიხეილ სააკაშვილმა გადაცემაში „ დასვით კითხვა პირდაპირ ეთერში “, რომელიც ორ საათსა და 40 წუთს გაგრძელდა , განაცხადა რომ ჩრდილოეთ კავკასიის ერები მოსკოვის მართველობის ქვეშ დატანჯულები არიან – და რომ საქართველოში მათ სამოთხე ელით . „ ჩრდილოეთ კავკასია გეტოდ გადაიქცა “, – თქვა მან . “ ეს ადამიანები ადგილობრივ ფეოდალებს მიუგდეს , რომლებსაც შეუძლიათ მათი მოკვლა , გაუპატიურება , ფეხებით დაკიდება , წამება და მათთვის ყველაფრის წართმევა . ცხადია , რომ ეს ადამიანები , რომლებიც იქ ისე იქცევიან , ისეთ ქვეყანაში მოხვედრის შემდეგ , სადაც კანონის უზენაესობაა , სხვაგვარად მოიქცევიან “. რეპლიკამ ხაზი გაუსვა იმ სარისკო სტრატეგიას , რომელზეც ბატონმა სააკაშვილმა გასულ შემოდგომაზე გაეროს გენერალურ ასამბლეაზე გამოსვლისას ისაუბრა , როდესაც მხარი დაუჭირა ჩრდილოეთ და სამხრეთ კავკასიის გაერთიანებას , რომელიც „ საქართველოს გზის კვლადაკვალ შეუერთდება თავისუფალი ერების ევროპულ ოჯახს “ ( მან აღნიშნა , რომ ეს ხედვა საზღვრების შეცვლისკენ მოწოდება არ არის ) . საქართველომ ჩრდილოეთ კავკასიასთან , მათ შორის რუსეთის ისეთ რესპუბლიკებთან , როგორებიცაა დაღესტანი , ინგუშეთი და ჩეჩნეთი სავიზო რეჟიმი გაამარტივა , რაც ამ რესპუბლიკის მცხოვრებლებს 90 დღის განმავლობაში საქართველოში თავისუფლად გადაადგილების შესაძლებლობას აძლევს . ქართველი ჩინოვნიკების თქმით , ამ წინადადაბის წყალობით მომდევნო სამი თვის განმავლობაში ქვეყანას 12, 000 ტურისტი ეწვევა , მათ შორის მრავალი მუსულმანი მომლოცველი , რომლებიც ჰაჯისთვის საცალფეხო მარშრუტს იყენებენ . ამავდროულად , კავკასიური სოლიდარობა მართალია დუდაევა თავის შოუში პოლიტიკურ საკითხებს გაურბის , თუმცა საკუთარ შეხედულებებს არ მალავს : რომ რუსეთის დაშლამდე ერთი ან შეიძლება ორი წელი დარჩა ; რომ ხელისუფლებაში პრემიერ – მინისტრ ვლადიმერ პუტინის მოსვლა ნოსტრადამუსმა იწინასწარმეტყველა ; რომ ბოლო წლების ტერაქტების უმრავლესობის უკან რუსული სპეცსამსახურები დგანან ; რომ მათ საგანგებოდ გამოიწვიეს იმ თვითმფრინავის კატასტროფა , რომელშიც პოლონეთის პრეზიდენტი იმყოფებოდა ; რომ მებრძოლები , მისი თქმით , „ საკმაოდ თამამი ადამიანები არიან იმისთვის , რომ საკუთარი სამშობლოს გათავისუფლებისთვის , ახლა კი კავკასიის გათავისუფლებისთვის იბრძოლონ “ . მისი თქმით , მას იმედი აქვს , რომ მისი გადაცემა დაარწმუნებს რუსებს იმაში , რომ ჩრდილოეთ კავკასიის მცხოვრებლები მათი მტრები არ არიან , რაშიც მათ ოფიციალური მოსკოვი არწმუნებს . „ ყველაზე მეტად , მათ სიმართლის ეშინიათ “, – თქვა მან . foreignpress.ge