სარეკლამო ადგილი - 1
720 x 85

ანაკლიის განვითარების კონსორციუმმა ჟურნალის „ანაკლია“ პრეზენტაცია გამართა

თიბისი გალერეაში ახალი ჟურნალის “ანაკლია” პრეზენტაცია გაიმართა.

ჟურნალი დეტალურად გააშუქებს ანაკლიის ღრმაწყლოვანი პორტის მშენებლობას და თავისუფალი ინდუსტრიული ზონის განვითარებას, ისევე როგორც სხვა ეკონომიკურ, გეოპოლიტიკურ და კულტურულ თემებს.

ჟურნალს გამოსცემს ანაკლიის განვითარების კონსორციუმი. მის ავტორებს შორის არიან აკა მორჩილაძე, გიორგი კეკელიძე, ნათელა გრიგალაშვილი, გოგა ჩანადირი, მანანა ვარდიაშვილი, მერაბ ადეიშვილი, დავით მაჭავარიანი და სხვები.

“ანაკლია” ორ თვეში ერთხელ გამოვა. ჟურნალის ტირაჟი 3 000 იქნება და ის უსასყიდლოდ გავრცელდება.

ჟურნალის პრეზენტაციას ანაკლიის განვითარების კონსორციუმის თანადამფუძნებელი, მამუკა ხაზარაძე, კონსორციუმის აღმასრულებელი დირექტორი, ლევან ახვლედიანი, ეკონომიკისა და განათლების მინისტრები, ასევე დიპლომატიური კორპუსისა და ბიზნესწრეების წარმომადგენლები დაესწრნენ.

პრეზენტაციაზე ჟურნალის პირველი ნომერი იყო წარმოდგენილი.

ღონისძიებას კონცეპტუალური ხასიათი ჰქონდა. თიბისი გალერეაში ახალგაზრდა არტისტების, სალომე დუმბაძის, დიმიტრი დადიანისა და გიორგი ქასრაშვილის მეირ ზღვის თემატიკაზე შექმნილი არტობიექტი და ვიდეოინსტალაცია იყო განთავსებული.

ანაკლიის განვითარების კონსორციუმი შავი ზღვის სანაპიროზე განავითარებს და ოპერირებას გაუწევს ანაკლიის ღრმაწყლოვან პორტს და თავისუფალ ინდუსტრიულ ზონას.

ანაკლიის ღრმაწყლოვანი ნავსადგური და თავისუფალი ინდუსტრიული ზონა 1000 ჰექტარზე განთავსდება. პორტში გაჩერებას შეძლებენ 10 000 კონტეინერის ტევადობის ხომალდები. პორტი უზრუნველყოფს დიდი ზომის გემების მომსახურებას, რომელთა შემოსვლა საქართველოს პორტებში აქამდე შეუძლებელი იყო.

ანაკლიის პორტის მშენებლობა რამდენიმე ეტაპად წარიმართება. საქართველოს მოქალაქეებისგან დაკომპლექტდება მშნეებლობის ეტაპზე მომუშავეთა 90% და პორტის განვითარების ეტაპებზე დასაქმებულ კვალიფიციურ თანამშრომელთა სულ მცირე 40%-50%. პორტი ოპერირებას მშენებლობის დაწყებიდან არაუგვიანეს 3 წელიწადში დაიწყებს.

კომენტარი

სარეკლამო ადგილი - 101
100 x 100