მეორე ლუდის ფესტივალი რუსთავში

19-20 ივლისს,16:00 საათიდან, რუსთავი მთავარ მოედანზე „რუსთავის ლუდი ფესტივალს“ უკვე მეორედ უმასპინძლებს. ევროპისა და ამერიკის სხვადასხვა ქვეყნებში გავრცელებული ლუდის ფესტივალების პირველი ქართული ანალოგის ორგანიზატორი ტრადიციულად კომპანია კომპანია „ნატახტარი“ იქნება.

ფესტივალის ბარი არის საქართველოში ყველაზე გრძელი ლუდის ბარი ღია ცის ქვეშ. საფესტივალო ტერიტორიაზე ლუდის შესაძენად შემოღებულია სპეციალური ვალუტა - ლუდის მონეტა. მსურველები ადგილზე შეიძენენ მონეტებს, ხოლო შემდეგ ლუდის ბარებთან გადაცვლიან სასურველ ლუდში. ერთი მონეტის ფასია 1.50 ლარი.გარდა ამისა, ჩატარდება სხვადასხვა სახის შეჯიბრება ლუდის სმაში და გასართობი თამაშები სტუმრებისთვის.

წლევანდელ ლუდის ფესტივალზე, ტრადიციულად საინტერესო მუსიკალური პროგრამა იქნება წარმოდგენილი, რომელშიც მონაწილეობას მიიღებენ პოპულარული მომღერლები და ჯგუფები:

Friendly Mosquito

დათო ილურიძის ბენდი

Reggaeon

Latino Boyes

ფრანი

ჯგუფი „ყველა“

ელენე კალანდაძე

ანი კეკუა

წელს ლუდის ფესტივალზე შეგიძლიათ დააგემოვნოთ „ნატახტარი“, „კოზელი“, „მთიელი“, „ეფესი“და „კაიზერი“.