ირმა ნადირაშვილი: სამხარეო პოლიციის უფროსის მოადგილემ ადგილზე მოსვლისას იკითხა: კარგად ცემეს თუ არა მოჭიდავეებმა ”ნაცმოძრაობის” წევრები
სამხარეო პოლიციის უფროსის მოადგილემ ადგილზე მოსვლისას იკითხა, კარგად ცემეს თუ არა მოჭიდავეებმა ”ნაციონალური მოძრაობის” წევრები, - ამის შესახებ ”ინტერპრესნიუსს” ”ერთიანი ნაციონალური მოძრაობის” წევრმა ირმა ნადირაშვილმა განუცხადა, რომელმაც კორცხელში მომხდარ დაპირისპირებაზე შინაგან საქმეთა სამინისტროს რეაგირება შეაფასა.
ირმა ნადირაშვილის თქმით, ფიზიკური დაპირისპირების დროს ტერიტორიაზე პოლიცია დაგვიანებით გამოცხადდა, მისვლის შემდეგ კი რეაგირება არაადეკვატური იყო.
”მიუხედავად
იმისა, რომ მე პირადად არაერთხელ დავრეკე 112 - ში ინციდენტის დროს, მთელი ეს ცემა-ტყეპა თითქმის 10-15 წუთი გრძელდებოდა და პოლიციელები არ იყვნენ ადგილზე. იქ იმყოფებოდა მხოლოდ რამდენიმე მათგანი, მაგალითად ერთი პოლიციელი გუნავას გადაეფარა და შემდეგ საავადმყოფოში მოხვდა. მაგრამ ეს იყო რიგითი პოლიციელი და სამხარეო პოლიციამ გადაწყვეტილება,
რომ ეს უმსგავსობა აღეკვეთა, არ მიიღო. უფრო მეტიც, ჩვენ ვიცით, რომ კირთაძემ, რომელიც არის სამხარეო პოლიციის უფროსის მოადგილე, ადგილზე მოსვლის შემდეგ იკითხა, კარგად დცემეს თუ არა მოჭიდავეებმა” ნაციონალური მოძრაობის” წევრები.
”ნაციონალურმა
მოძრაობამ”,
მიუხედავად
იმისა, რომ ეს მისი საქმე არ იყო, მოახდინა იქ მყოფი სპორტსმენებისა და მოჭიდავეების იდენტიფიკაცია. სახელებით და გვარებით დავასახელეთ ჩვენ. მიუხედავად ამისა, ეს პირები იდგნენ პოლიციის გვერდით და არც ერთის დაკავება არ მომხდარა. ერთი პერიოდი პოლიცია შეეცადა კორიდორი გაეკეთებინა, დაპირისპირებულ მხარეებს შორის, თუმცა ეს პირები პოლიციელებსაც კი ”ეკაჩავებოდნენ” და ეუბნებოდნენ, რისთვის ჩამოგვიყვანეთ, თუ შეზღუდვებს გვიწესებთო”, - განაცხადა ირმა ნადირაშვილმა.
კორცხელში
მომხდარ ინციდენტში მონაწილე არც ერთი პირი ამ დროისთვის დაკავებული არ არის. ამასთან, შინაგან საქმეთა სამინისტროში არ აკონკრეტებენ, დაიკითხნენ თუ დაპირისპირებაში
მონაწილე სპორტსმენები.
როგორც ”ინტერპრესნიუსს”
შსს-ში განუცხადეს, საქმეზე დანიშნულია შესაბამისი ექსპერტიზები და იკითხებიან მოწმეები, თუმცა კონკრეტულად ვინ არის დაკითხული, სამინისტროში გამოძიების ინტერესებიდან გამომდინარე არ საუბრობენ.
კორცხელში
მომხდარ დაპირისპირებაზე
შსს-მ გამოძიება სისხლის სამართლის კოდექსის 125-ე მუხლით, რაც ცემას გულისხმობს, გუშინვე დაიწყო.
კორცხელის
#53-ე უბანზე ”ნაციონალური მოძრაობისა” და ”ქართული ოცნების” წარმომადგენლებს
შორის ფიზიკური დაპირისპირება მოხდა. არსებული ინფორმაციით, ჩხუბში სპორტსმენებიც იყვნენ ჩართული და გამოყენებული იყო ხელკეტები.
დაპირისპირებისას
დაშავდა ”ნაციონალური მოძრაობის” რამდენიმე წევრები, მათ შორის ნიკა მელია, გიგა ბოკერია და თენგიზ გუნავა, ასევე, ”ქართული ოცნების” მხარდამჭერები და აქტივისტები.
მსგავსი სიახლეები
კომენტარი