ერთი დღე მულტფილმში
ერთი დღე მულტფილმში - ასე უწოდეს ზეიმს, რომელიც მაგთიკომმა და ამერიკულმა არხმა Cartoon Network-მა პატარებისთვის და მათი მშობლებისთვის 3 ივნისს, მთაწმინდის პარკში გამართეს.
როგორც მაგთისატი, ისე მაგთის IP ტელევიზია არხების მრავალფეროვნებით გამოირჩევა. მაგთიკომისთვის განსაკუთრებით მნიშვნელოვანია თავისი პატარა მაყურებლები, რომლებსაც მსოფლიოში პოპულარულ საბავშვო არხებს სთავაზობს, მათ შორისაა არხი Cartoon Network.
3 ივნისს მაგთიმ და Cartoon Network-მა ნამდვილ მულტფილმში მოიწვია ბავშვები: მრავალფეროვანი გასართობი პროგრამა გულისხმობდა მულტფილმების ჩვენებას ღია ცის ქვეშ, ექსპერიმენტების ჩატარებას ლაბორატორიაში, თოჯინების თეატრის წარმოდგენას, მხიარულ თამაშებს და თამაშებში გამარჯვებულთა დაჯილდოებას. . .
ამ ღონისძიებას კი წინ ერთვოდა მაგთის კონკურსი, რომელიც კომპანიამ Facebook გვერდზე თავისი პატარა მეგობრებისთვის გამოაცხადა: მათ უნდა დაეხატათ საყვარელი გმირები Cartoon Network-ის მულტფილმებიდან და გაეგზავნათ მაგთის facebook-გვერდზე.
3 ივნისს, მთაწმინდის პარკში, მაგთის კონკურსის საუკეთესო ათეულში მოხვედრილ პატარა მხატვრებს გადაეცათ პრიზები:
- Samsung-ის სმარტფონები მაგთისგან;
- სამახსოვრო სუვენირები Cartoon Network-ისგან;
- 50-ლარიანი ვაუჩერები - მთაწმინდის პარკისგან.
„მაგთიკომი მომხმარებელს 250-მდე მაღალრეიტინგულ და სხვადასხვა შინაარსით გამორჩეულ არხებს სთავაზობს, რათა გათვალისწინებული იყოს ყველა სეგმენტის გემოვნება და ინტერესები. ბოლო პერიოდში 50 ახალი არხი დაგვემატა და ეს პროცესი მუდმივად გაგრძელდება.“ - აცხადებენ მაგთიკომში.
მსგავსი სიახლეები
კომენტარი