2009 წლის ყველაზე გახმაურებული სკანდალები

ელიტარული საზოგადოების შვიდი ყველაზე გახმაურებული სკანდალის რეიტინგი - 2009, რომლის პირველი ადგილი გოლფის ლეგენდარულმა მაესტრომ, თაიგერ ვუდსმა დაიკავა.
ბოლო პერიოდში გამუდმებით ლაპარაკობენ ლეგენდარული გოლფისტის, თაიგერ ვუდსის „ერთგულებაზე“. რამდენიმე ხნის წინ სპორტსმენი ავტოსაგზაო შემთხვევაში მოხვდა, რის შემდეგაც დაწვრილებით გამოვლინდა მისი მრავალი ღალატის ფაქტი.
კულუარული ინფორმაციით, ვუდსი ავტოსაგზაო შემთხვევაშიც მეუღლესთან ჩხუბის შედეგად მოხვდა. საერთო ჯამში აღმოჩნდა რომ გოლფისტს რომანი ოფიციანტთან ჰქონდა, შემდგომ კი ინფორმაციამ დანარჩენ 8 ქალბატონზეც გაჟონა. ახლახანს კი თაიგერსს ერთ-ერთმა საყვარელმა ცნობილ მსახიობთან, ჯორჯ კლუნთან უღალატა.
მეორე ადგილი
„როლინგ სტოუნის“ გიტარისტი რონი ვუდი არც ისეთი ახალგაზრდაა, თუმცა ეს მას სულაც არ უშლის ხელს აქტიური ცხოვრებით იცხოვროს. რონიმ თავისი რუსი მეგობარი, სახელად კატერინა ივანოვა ჯერ კიდევ 2008 წელს გაიცნო, თუმცა ერთობლივი ცხოვრების ყველაზე გახმაურებული მოვლენები 2009 წელს მოხდა.
მეგობარი გოგონას გულისათვის რონიმ თავის მეუღლესთან, ჯოსთან განქორწინებაც დააპირა. თუმცა როდესაც ეკატერინამ შეიტყო, რომ რონი მშობლებთან სადილს აპირებდა, საშინელი ისტერიკა მოუწყო. შემდეგ რონი კვლავ შეურიგდა კატერინას, თუმცა ეს შერიგებაც ხანმოკლე აღმოჩნდა. ახლახანს ბებერმა რონიმ თავის ნეგატიურ ემოციებს სრული თავისუფლება მისცა, რაც კატერინაზე თავდასხმაში გამოიხატა.
რონიმ თმებით ითრია რუსი მეგობარი გოგონა, ამბობენ, რომ რონიმ სიგარეტიც კი მიაწვა კატერინას „შესანიშნავ“ უკანალზე. ასეთი ქმედების შემდგომ, მუსიკოსი პოლიციის განყოფილებაში წაიყვანეს, მაგრამ მეორე დღესვე გამოუშვეს, რადგან კატერინამ რონისთვის მიყენებული ბრალდება უარყო. ამ ეტაპზე წყვილი დაშორებულია, მაგრამ რა ვადით - ჯერ უცნობია.
მესამე ადგილი
წელს იტალიის პრემიერ-მინისტრი, სილვიო ბერლუსკონიც შესანიშნავად გაერთო (ისეთ დონეზე, რომ ჟურნალმა „როლინგ სტოუნმა“ როკ-ვარსკვლავის წოდებაც კი მიანიჭა). სილვიო, როგორც იტალიელი ყოველთვის მოსიყვარულე ადამიანად იყო ცნობილი. თუმცა, საქმე განქორწინებამდეც მივიდა, აღმოჩნდა, რომ სილვიომ „გადააჭარბა“. ამჟამად ვერონიკა ბერლუსკონი არ ცხოვრობს მეუღლესთან ერთად და თამამად ჰყვება მეუღლის ყველა ცოდვებზე. რაც შეეხება თვითონ სილვიოს, მას ურჩევენ სექსუალური დამოკიდებულებისგან იმკურნალოს.
მეოთხე ადგილი
მსახიობი ემი ვაინჰაუსი - თავისთავად ქალი-სკანდალია, როგორც შემოქმედებით, ასევე პირად ცხოვრებაში. მაგრამ 2009 წელს ემიმ ყველაფრის „გამოსწორება“ გადაწყიტა და პირველ რიგში თავის მეუღლეს, ბლეიკ ფილდერ-სივილოს გაეყარა.
მიუხედავად იმისა, რომ ბლეიკი თავად აპირებდა ემისთან განქორწინებას, (რადგან კარიბის კუნძულებზე რეაბილიტაციისას, ემის სხვადასხვა გარუჯულ მანაკაცებთან ერთად ხშირად ხედავდა), ამის გაკეთება მას მაინც გაუჭირდა. ფილდერ-სივილმა ემის სოლიდური თანხის წართმევის მიზნით სასამართლოშიც უჩივლა, თუმცა წააგო პროცესი.
განქორწინებულმა წყვილმა რამდენიმე ხნის მერე აღმოაჩინა, რომ მათ ძლიერი გრძნობები აკავშირებთ და ისევ შერიგებისკენ წავიდა საქმე. თუმცა ამ ყველაფერმა ვაინჰაუზს ხელი არ შეუშალა ჯორჯ ფონანის შვილთან რომანის გაბმაში.
მეხუთე ადგილი
ცნობილი მომღერალი რიჰანა წლის დადგომისთანავე დაზარალდა. თებერვლის დასაწყისში მომღერლის შემზარავი ფოტოები გამოქვეყნდა. შავკანიან ლამაზმანს სახეზე ნაკაწრები და ჩალურჯებები ეტყობოდა. გავრცელებული ხმების თანახმად ეს სურპრიზი რიჰანას მისმა ბოიფრენდმა, ახალგაზრდა მსახიობმა, კრის ბრაუნმა გაუკეთა.
გავრცელებულ ჭორებს არავინ ადასტურებდა და არც უარყოფს. რიჰანამ თავისი დაბადების დღის შემდეგ გამოძიება დაიწყო. აქ უკვე არანაირი მტკიცებულება აღარ იყო საჭირო და საქმე კრის ბრაუნის წინააღმდეგ აღიძრა. საერთო ჯამში რიჰანა გამოჯანმრთელდა და ჩევეულ ცხოვრების რიტმს დაუბრუნდა. კრის ბრაუნმა კი, რომელიც დამნაშავედ სცნეს, სახალხოდ მოუხადა ბოდიში რიჰანას.
მეექვსე ადგილი
2009 წელს არც რუსეთი დარჩა სკანდალური მოვლენების მიღმა. წელს რუსული ესტრადის პრიმადონას ალა პუგაჩოვას გოგოს უმცროსი შვილი მოსტაცეს. კრისტინა ორბაკაიტეს თქმით, დენი, ბიზნესმენმა მეუღლემ, რუსლან ბაისაროვმა გადამალა.
ცოტა მოგვიანებით მომხდარის სხვა ვერსია თავად რუსლან ბაისაროვმა გაახმოვანა, რომლის თანახმადაც შვილმა საზაფხულო არდადაგების გატარება მამასთან გადაწყვიტა. ბიჭუნას დედა, მისი ახალი მეუღლე, ბიზნესმენი, მიხეილ ზემცოვი და ბებია (ალა პუგაჩევა), ბავშვის სამუდამოდ გადაყვანას აშშ-ში გეგმავდნენ, რისი კატეგორიული წინააღმდეგიც ბავშვის მამა, ბაისაროვი იყო.
კრისტინა ორბაკაიტეს თქმით, ბავშვის შტატებში სამუდამოდ გადაყვანაზე არც კი უფიქრია, უბრალოდ გარკვეული დროით უნდოდა წაყვანა, რათა ბავშვს სრულფასოვანი მკურნალობა გაევლო. შექმნილი უთანხმოება გროზნოს სასამართლომდეც კი მივიდა, რომელმაც შვილი მამას `მიაკუთვნა~, თუმცა საქმის შემდეგი პროცესები მოსკოვის სასამართლოში გაგრძელდა.
საბოლოო ჯამში კი ყველაფერი კარგად დამთავრდა, შეთანხმების თანახმად, დედის არყოფნაში დენი მამასთან უნდა იყოს, მამაის არყოფნაში კი ბიჭუნა დედასთან დარჩება. ამის შესახებ კრისტინამ და მისმა ყოფილმა მეუღლემ ერთობლივი განცხადება საინფორმაციო გადაცემაში „ვრემია“-ში გააკეთეს.
მეშვიდე ადგილი
კიდევ ერთი სკანდალური რუსული ისტორია - ოლღა სლუცკერის განქორწინდებას უკავშირდება. ცნობილი ბიზნეს-ლედი საკმაოდ ცუდ სიტუაციაში აღმოჩნდა - ერთ მშვენიერ დღეს მეუღლემ ოლღა სახლშიც კი არ შეუშვა.
სლუცკაიას თქმით, განქორწინება წყვილმა ჯერ კიდევ 2008 წელში გადაწყვიტა, თუმცა მეუღლის თხოვნით განქორწინება გადაიდო, რადგან იმ დროისთვის ვლადიმერ სლუცკის უამრავი სხვა სასამართლო დავა ჰქონდა. მეუღლის დაპირებებით, ყველაფერი სასამართლოს გარეშე უნდა მოგვარებულიყო, მაგრამ ერთ მშვენიერ დღეს ბიზნეს-ლედი სახლში დაბრუნებისას დაცვამ სახლში არ შეუშვა.
ოლღა სლუცკაია ქმრის ულტიმატუმის ქვეშ აღმოჩნდა, - თუ ქალბატონი შვილებს დაუტოვებდა და სახლიდან წავიდოდა, მას ხელს არავინ ახლებდა. ბუნებრივია, დედის რეაქცია ადეკვატური იყო, მას არ უნდოდა შვილების დაბრუნება და სასამართლოში აღძრა საქმე. მაგრამ სამწუხაროდ ხანგრძლივი დავა კვლავ გრძელდება.

კომენტარი