ყვითელი ფურცელი

ენდი უორხალის ავტოპორტრეტი 32,5 მილიონ დოლარად გაიყიდა
სოტბის აუქციონერებმა ენდი უორხალის ავტოპორტრეტი ნიუ-იორკში გამართულ აუქციონზე 32,5 მილიონ დოლარად გაყიდის, ამის შესახებ ინფორმაციას თავად აუქციონის ვებ-გვერდი ავრცელებს. საერთო ჯამში 53 ნამუშევარი იქნა გაყიდული 190 მილიონ დოლარად. მათ შორის მარკო როტკოს, ჯექსონ პოლოკის, ვილემ დე კუნიგასა და სხვა სცნობილი მხატვრების ნამუშევრები.

3 მეტრიანი იასამნის ფერში შესრულებული უორხალის ავტოპორტრეტი ყველზე დიდია დანარჩენენ ავტოპორტრეტებს შორის. იგი აუქციონზე ამერიკელმა მოდურმა დიზაინერმა, ტომ ფორდმა გამოიტანა. ეს უორხალის პირველი ნამუშევარი არ არის, რომელიც თავის ღირებულებასთან შედარებით გაცილებით დიდ ფასად გაიყიდა. მხატვარის „200 დოლარიანი კუპიურები“ 2009 წლის ნოემბერში 43,8 მილიონ დოლარად გაიყიდა, როდესაც მისი მაქსიმალური ღირებულება 12 მილიონს შეადგენდა.

აუქციონზე ასევე შესამჩნევი აბსტრაქტული ექსპრესიონისტების 2 ნამუშევარი გაიყიდა. კერძოდ კი მარკო როტკოს ნახატი „უსახელო“ 31,4 მილიონ დოლარად, ხოლო ჯექსონ პოლოკის „ყვითელი, ნაცრისფერი, შავი“ 8,7 მილიონ დოლარად გაიყიდა.

გარდა აბსტრაქტულ-ექსპრესიონისტული ტილოებისა და ქანდაკებებისა, აუქციონერებმა მყიდველებს ენდი უორხალის, როი ლიხტენშტეინის, ჯეფა კუნსისა და დემიენ ჰერსტის რამდენიმე პოპ-არტულ სტილში შესრულებული ნამუშევრები შესთავაზეს.
მამაკაცებმა 100 ლამაზმანი გამოავლინეს
მამაკაცების აზრით დედამიწაზე სუსტი სქესის ყველაზე შესანიშნავი წარმომადგენელი კეტი პერია. 25 წლის ამერიკელმა მომღერალმა და კომპოზიტორმა მოსმა ყოველწლიური რეიტინგის „100 ლამაზმანის“ პირველი ადგილი დაიკავა. რეიტინგის ავტორი კი საერთაშორისო ჟურნალი `მაქსიმ~-ია.

კეტი პერი, რომელიც წამოშობით სანტა ბარბარადან არის (შტატი კალიფორნია), პოპულარული 2008 წელს გახდა, როდესაც სადებიუტო სიგნალი I Kissed a Girl გამოუშვა. ჟურნალის შეფასებით, მომღერალი იშვიათი ნიჭით, ჭკუით, გარეგნული მონაცემებითა და იუმორის გრძნობით არის დაჯილდოვებული.

მეორე ადგილი ტოპ-მოდელს, ბრუკლინ დეკერს ერგო წილად, რომელიც საცურაო კოსტუმებს უკეთებს რეკლამირებას. შემდეგი პოზიციები პირველ „ხუთეულში“ დაიკავეს მსახიობმა ზოია სალდანამ, რომელმაც პოპულარობა ფილმ „ავატარში“ მონაწილეობის შემდგომ მოიპოვა, „ჭორიკნების“ სერიალის ვარსკვლავმა ბლეიკ ლაივლიმ და „ტრანსფორმერების“ ვარსკვლავმა მეგან ფოქსმა.

2010 წლის ჰოტ-100 – მა ჩამოაქვეითა რამდენიმე ცნობილი ლამაზმანი, მათ შორის ტელესერიალ „ექიმი ჰაუსის“ სახე ოლივია უაილდი, რომელმაც მე-20 პოზიცია დაიკავა და ანჯელინა ჯოლი, რომელმაც გასული წლის რეიტინგთან შედარებით 10 პოზიციით უკან დაიხია და 38-ზე განთავსდა. ამერიკული ჟურნალის People-ს მიხედვით დედამიწის 2010 წლის ყველაზე მიმზიდველი ქალბატონი ჯულია რობერტსია, თუმცა ჟურნალმა Maxim უპირატესობა კეტი პერის მიანიჭა. ასევე წლის ლამაზმენების სტატუსი ერგოთ ზოია სალდანას, სკარლეტ იოჰანსონს, ჯენიფერ ენისტონსა და ამანდა სეიფრიდს.
კრისტენ სტუარტი რობერტ პატინსონისგან არის ფეხმძიმედ
ახლახანს ოპრა უინფრის შოუში მოწვეულმა „ბინდის“ გმირებმა, რობერტ პატინსონმა და კრისტენ სტუარტმა განაცხადეს რომ მართლაც წყვილი არიან. მუხედავად გულახდილი საუბრისა წამყვანთან, ოპრა უინფრისთან, სასიყვარულო აღიარება ეთერში არ გასულა, თუმცა ოფიციალურ ინტერვიუში მაინც გამოვლინდა რიგი სენსაციური ფაქტები.

სტუდიაში მყოფმა წყვილის მეგობრებმა მათ „ყველაზე რომანტიკულებიც“ კი უწოდეს. უინფრის, ამგვარი განცხადების შემდგომ დააინტერესა ურთიერთობის დეტალიები, მაგრამ სტუარტმა შეაწყვეტინა წამყვანს - მსგავს თემაზე საუბარი და განაცხადა, რომ პირად ცხოვრებას არ ახმაურებს. თუმცა რობერტ პატინსონი მეტად გახსნილი აღმოჩნდა და განაცხადა რომ არა მხოლოდ შეყვარებული წყვილი არიან, არამედ კრისტენი მისგან ბავშვსაც ელოდება. ყველაზე საინტერესო კი ის აღმოჩნდა, რომ კრისტენმა არ უარყო ფეხმძიმობის ფაქტი, პირიქით ინტერვიუში აღნიშნა, რომ „ეს რობერტისთვის პირველი შვილი არ არის“.

როგორც იტყვიან, ნებისმიერ ხუმრობაში არის გარკვეული სიმართლე. სავარაუდოთ კრისტენმა რობერტს ამ სიტყვებით ყოფილი მეგობარი გოგონა, მომღერალი კელი ბლეკველი შეახსენა, რომელთან ურთიერთობის შემდეგ გავრცელდა ჭორები, რომ კელი ფეხმძიმედ არის რობერტისგან.

კრისტინისა და რობერტის სიყვარულში დღეს ეჭვი აღარავის ეპარება. ისინი „ბინდის“ მესამე ნაწილის, „დაბნელების“ გადაღების დროს ერთ ნომერში ცხოვრობდნენ, მიუხედავად იმისა, რომ კრისტენს საკუთარი ნომერიც ჰქონდა. გავრცელდა ჭორები, რომ წყვილს ერთად უნდათ ცხოვრება და შესაფერის ბინასაც ეძებენ.
ქეით მოსი დაფეხმძიმებას ცდილობს
36 წლის სუპერ-მოდელი ქეით მოსი სერიოზულად დაფიქრდა ბავშვის გაჩენაზე. საპასუხისმგებლო ნაბიჯისთვის კი პირველ რიგში კეიტმა ყველა მავნე ჩვევა მოიშორა.

მსოფლიოს ერთ-ერთი ყველაზე მოთხოვნადი სუპერ-მოდელი ხმაურიანი საღამოების მოყვარულად არის ცნობილი. მოდელი არაერთხელ მომხდარა ფოტოაპარატის ობიექტივში შუა ღამეს სხვადასხვა ბარებიდან გამოსვლისას, ამიტომ მან ჰიპნოთერაპევტსაც მიმართა, რათა გათავისუფლებულიყო მავნე ჩვევებისგან.

„ქეთმა იცის, რომ ბევრს ეწევა და ალკოჰოლურ სასმელებსაც დიდი დოზით მიირთმევს. ამიტომ იგი იძულებული იყო სპეციალისტისთვის მიემართა, რათა მავნე ჩვევებისგან განთავისუფლებულიყო“ - განუცხადეს გაზეთ „სან“-ს ქეითის გარემოცვიდან.

მოდელის რჩეული, გიტარისტი ჯგუფ The Kills, ჯეიმი ჰინსი უკვე მზადაა სერიოზული ურთიერთობისთვის. 2010 წლის იანვარში მან უკვე სთხოვა ხელი მოსს. ქეითი კი გათხოვებას არ ჩქარობს, თუმცა მომავალი შვილის ჯანმრთელობაზე უკვე ზრუნავს.

მოსი ერთხელ უკვე აპირებდა გათხოვებას ჯეფერსონ ჰენკზე. მოდელმა 2002 წელს გოგონაც კი გააჩინა მისგან. ოჯახის მეგობარის თქმით: „გოგონა დედას ძმის გაჩენას სთხოვს. ჯეიმიც ოცნებობს უკვე მამობაზე. „ქეითმაც უკვე გადადგა პირველი ნაბიჯი და უარი თქვა მავნე ჩვევებზე“.

კომენტარი