ვალიდ მუალემი გაერო-ს მოუწოდებს, არ ჩაერიოს სირიის საშინაო საქმეებში
სირიის საგარეო საქმეთა მინისტრმა ვალიდ მუალემმა გაერო-ს გენერალურ მდივანს პან გი მუნს წერილი გაუგზავნა .
წერილში მუალემი ბრიტანეთისა და საფრანგეთის მიერ მომზადებული რეზოლუციის პროექტზე საუბრობს და აცხადებს, რომ ის ტერორისტების წისქვილზე დაასხმას წყალს.
"მნიშვნელოვანია, რომ გაერო არ ჩაერიოს სირიის საშინაო საქმეებში"- ნათქვამია წერილში, რომლის ტექსტის ციტირებასაც "როიტერი" ახდენს.
"ჩვენ დარწმუნებულები ვართ, რომ ნებისმიერი რეზოლუცია ვითარებას მხოლოდ გაართულებს და ექსტრემისტებს და ტერორისტებს გაუჩენს განცდას, რომ მათ მოქმედებებს გაერო მხარს უჭერს"- წერს მუალემი.
საფრანგეთმა და დიდმა ბრიტანეთმა რეზოლუციის პროექტი შეიმუშავეს, სადაც მოსახლეობის წინააღმდეგ სირიის ხელისუფლების მოქმედებებია დაგმობილი. ამ პროექტს მხარი აშშ-მაც დაუჭირა.
მსგავსი სიახლეები
კომენტარი