"მთელი პოლიტიკური პროცესი ქუჩაშია გადმოსული, ივანიშვილის მხარეს დგას არავინ - „რობოკოპები“"- ნიკა მელია

"ნაციონალური მოძრაობის" ლიდერი ნიკა მელია აცხადებს, რომ ბიძინა ივანიშვილი ფიზიკურად უსწორდება თავის ხალხს და მათთან დიალოგშიც კი არ შედის.

მელიას განცხადებითვე, ოპოზიცია უკომპრომისოა მოთხოვნებში, რომელიც გულისხმობს თავისუფალი არჩევნების უფლებას, პროპორციულ არჩევნებს, რასაც ივანიშვილი დაპირდა ხალხს და შემდეგ ისევ უკან მიიტაცა.

"ავტობუსებით ჩახერგილი, 90- იან წლებს ჰგავს აქაურობა. დღეს ივანიშვილი არის უსუსტესი ადამიანი, რომელიც ფიზიკურად უსწორდება თავის ხალხს და მათთან დიალოგშიც კი არ შემოდის. როდესაც ხალხი არის სამართლიანად გაბრაზებული ის მანამ იქნება გაბრაზებული, ვიდრე მისი მოთხოვნები არ დაკმაყოფილდება. მთელი პოლიტიკური პროცესი ქუჩაშია გადმოსული და ქუჩაში დგას მთელი საზოგადოება, ივანიშვილის მხარეს დგას არავინ - „რობოკოპები“, - განაცხადა ნიკა მელიამ.

კომენტარი