ჩინეთში შახტიდან 9 მუშის ცხედარი ამოასვენეს
აღმოსავლეთ ჩინეთში, შანდუნის პროვინციაში, ოქროს მომპოვებელი შახტიდან ცხრა მუშის ცხედარი ამოასვენეს, - ამის შესახებ BBC წერს.
21 მუშა შახტაში ორი კვირის წინ ჩავიდა, თუმცა, 10 იანვარს, უცნობი მიზეზით მომხდარი აფეთქების გამო, შახტიდან ამოსასვლელი ჩაინგრა და ისინი მიწის ზედაპირიდან 600 მეტრის სიღრმეში აღმოჩნდნენ.
გუშინ, 24 იანვარს მაშველებმა 11 მუშის ზედაპირზე ამოყვანა შეძლეს. ერთი მუშის შესახებ ინფორმაცია, ჯერჯერობით, უცნობია.
მსგავსი სიახლეები
კომენტარი