„ვოლვო ქარ კავკასია“ უკვე მეორედ Excellence Club-ის ჯილდოს მფლობელია
საერთაშორისო
აღიარება „ვოლვო ქარ კავკასიამ“ ბარსელონაში გამართულ Volvo Cars EMEA-ს ყოველწლიურ
ბიზნესკონფერენციაზე მოიპოვა. 2023 წლის გაყიდვების გეგმის შესრულება, ბაზრის წილის
ზრდა, Volvo Cars-ის გლობალური სტანდარტების 100%-ით შესრულება, სხვადასხვა სისტემის
ათვისება, მომხმარებლის უკუკავშირი და სერვისის მრავალფეროვნება - „ვოლვო ქარ კავკასიამ“
ყველა კრიტერიუმში, მსოფლიო მასშტაბით, უფრო გამოცდილ კონკურენტებზე უკეთესი შედეგი
აჩვენა და მსოფლიო აღიარება მოიპოვა.
გაგა კოხრეიძე, „ვოლვო ქარ კავკასიის“ დირექტორი: „Excellence Club-ის ჯილდო 30-მდე კრიტერიუმს
მოიცავს და ჩვენ შევძელით, უკვე მეორედ საუკეთესო შეფასებები მიგვეღო თითქმის ყველა
კრიტერიუმში. ნამდვილად საამაყოა, რომ 50-მდე იმპორტიორს შორის საუკეთესო შედეგები ვაჩვენეთ. აღნიშნული ჯილდო
გასულ წელსაც გადმოგვეცა. ზოგადად, საკმაოდ იშვიათია, რომ ერთმა იმპორტიორმა 2 წლის განმავლობაში Excellence
Club-ის ჯილდოს ზედიზედ ორჯერ მოპოვება მოახერხოს, „ვოლვო ქარ კავკასიამ“ კი ეს შეძლო“.
Excellence
Club წარმატების პირდაპირი ინდიკატორია, ეს არის „ოსკარი“, რომელსაც „Volvo“ თავისი პარტნიორებისთვის აწესებს. „ვოლვო ქარ კავკასიამ“ ამ ჯილდოს მიღებით დაამტკიცა,
რომ კომპანიაში ოპერაციები მაქსიმალურად გამართულია და შვედურ სტანდარტებსა და მუშაობის პრინციპებთან სრულ თანხვედრაშია.
აღსანიშნავია, რომ ბარსელონაში გამართულ ბიზნესკონფერენციაზე საოპერაციო ლიდერის
ჯილდო დაიმსახურა „ვოლვო ქარ
საქართველომ“, Operation Leader-ის წოდება
მათ ახალი შოურუმის წარმატებული გახსნისთვის გადაეცათ.
გაგა კოხრეიძე, „ვოლვო ქარ კავკასიის“ დირექტორი: „Volvo Retail Experience ახალი შოურუმის გახსნას
ძალიან დადებითი შეფასება მოჰყვა, სათავო ოფისი აღფრთოვანებული იყო ყველა პროცესით, რომლებიც შოურუმს
უკავშირდება, სწორედ ამიტომ საოპერაციო ლიდერის ჯილდო დავიმსახურეთ“.
„ვოლვო ქარ საქართველოს“ 1200 კვადრატულ მეტრზე განლაგებული შოურუმი საექსპოზიციო
და მომსახურებისათვის განკუთვნილ სივრცეებს აერთიანებს. შოურუმში, შვედური ბრენდის ავტომობილების სამოდელო რიგთან
ერთად, აქსესუარების დიდი არჩევანია წარმოდგენილი. მომხმარებელი შეძლებს, დაათვალიეროს ვოლვოს მოდელები, სურვილის შემთხვევაში
საკუთარი გემოვნებითა და მასალებით შეარჩიოს ავტომობილი და ისარგებლოს
ტესტდრაივით. „ვოლვო ქარ საქართველოს“ მომსახურების ცენტრი პირველი ლოკაციაა კავკასიის რეგიონში,
რომელიც Volvo Retail Experience კონცეფციით შეიქმნა და შვედეთში არსებული შოურუმების
ანალოგია.
--
„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია
,,ვოლვო ქარ კავკასია“ 2019 წლიდან ოპერირებს ბაზარზე და შვედური ბრენდის
„ვოლვოს“ ოფიციალური იმპორტიორია ამიერკავკასიასა და შუა აზიაში. კომპანია პრემიუმ
კლასის ავტომობილების ექსკლუზიური მომწოდებელია საქართველოში, უზბეკეთში, სომხეთსა
და აზერბაიჯანში.
მსგავსი სიახლეები
კომენტარი